1 ‘Amu‘ia le tagata e lē savali i le filifiliga a ē amio leaga,e lē tu fo‘i o ia i le ala o ē agasala,e lē nofo fo‘i i le nofoa o ē tauemu.
2 ‘Ae naunau o ia i le tulafono a le ALI‘I;e mafaufau fo‘i o ia i lana tulafono i le ao ‘atoa ma le po.
3 O ia fo‘i e fa‘apei o le la‘au ‘ua totō i tafatafa ane o vaitafe,e fua mai ona fua i ona lava tau;e lē to‘ulu fo‘i ona lau;e manuia fo‘i mea uma na te faia.
4 E lē fa‘apea o ē amio leaga;‘ae pei o aputi o saito i latou ‘ua lelea i le matagi.
5 O le mea lea e lē tutū ai o ē amio leaga i le fa‘amasinoga,e lē tutū fo‘i tagata agasala i le fa‘apotopotoga o ē amiotonu.
6 Auā ‘ua silafia e le ALI‘I le ala o ē amiotonu;‘ae fano lava le ala o ē amio leaga.