1 Lo‘u Atua e,‘ia e lavea‘i mai ‘iā te a‘ui ē ‘ua ita mai ‘iā te a‘u.‘Ia e fa‘amamalu mai ‘iā te a‘ui ē ‘ua laga mai ‘iā te a‘u.
2 ‘Ia e lavea‘i mai ‘iā te a‘u i ē ‘ua fai amio leaga;‘ia e fa‘aola mai ‘iā te a‘u i tagata ‘ua totolima.
3 Auā fa‘auta mai, ‘ua latou lamalama e fasioti ‘iā te a‘u;‘ua fa‘apotopoto ē malolosi ‘ia agaleaga mai ‘iā te a‘u.Le ALI‘I e,e lē ‘ona o lo‘u solitulafono, po o sa‘u agasala.
4 ‘Ua leai sa‘u pagotā, a ‘ua latou taufetuli mai,ma latou sauniuni.‘Ia e tula‘i mai o fa‘afetaia‘i mai ‘iā te a‘u,ma e silasila mai.
5 O oe fo‘i, le ALI‘I e, le Atua o ‘au,le Atua o Isaraelu ‘ia e maleifua mai,ma e asiasi a‘i i nu‘u ‘ese uma lava;‘aua ne‘i e alofa atu i se tasio ē amio leaga ma le pepelo. Selā.
6 ‘Ua latou fo‘i mai i le afiafi,‘ua latou fētāgisi e pei o le ulī,ma latou fa‘ata‘amilo ane i le ‘a‘ai.
7 Fa‘auta, ‘ua luai mai ‘upu leaga i o latou gutu;‘ua i ai pelu i o latou laugutu;auā o ai sē fa‘alogo ane?
8 A o oe, le ALI‘I e, ‘e te soisoi ‘iā te i latou;‘e te tauemu i nu‘u ‘ese uma lava.
9 ‘Ou te naunau atu lava ‘iā te oe ‘ona o lona malosi;auā o le Atua o lo‘u ‘olo maualuga ia.
10 O lo‘o ‘ou lumana‘i lo‘u Atua alofa;e fa‘aali mai ‘iā te a‘u o le tauio ē ita mai ‘iā te a‘u.
11 ‘Aua ‘e te fasiotia i latou, ne‘i galo i lo‘u nu‘u;‘ia e fa‘afeoa‘i solo ‘iā te i latou i lou lava malosi;ma e lafoina i lalo i latou, le Ali‘i e, lo matou talitā.
12 O le agasala a o latou gutu, o le ‘upu lea a‘i o latou laugutu,‘ia maileia lava i latou i lo latou lava fa‘amaualuga;‘ona o a latou fetu‘u fo‘i,ma a latou tala pepelo ‘ua latou tautala ai.
13 ‘Ia e fa‘aumatia i latou i le to‘asā,‘ia e fa‘aumatia lava,‘ina ‘ia leai so latou e toe;‘ia latou iloa o lo‘o pule le Atua ‘iā Iakopo,‘ia o‘o lava i tulu‘iga o le lalolagi. Selā.
14 Latou te fo‘i mai i le afiafi,latou te fētāgisi e pei o le ulī;ma latou fa‘ata‘amilo ane i le ‘a‘ai.
15 Latou te feoa‘i i le fia ‘a‘ai;a lē mā‘o‘ona, ‘ona latou nonofo ai lea i le po.
16 A o a‘u ‘ou te pese atu i lou malosi;‘ou te ‘alaga fiafia i le taeao i lou alofa mai;auā na fai oe mo‘u ‘olo maualuga,ma ‘ou malu i le aso na puapuagātia ai a‘u.
17 Lo‘u malosi e, ‘ou te fai pesega lava ‘iā te oe;auā o le Atua o lo‘u ‘olo maualuga lea,o le Atua ‘ua alofa mai ‘iā te a‘u.