1 Le ALI‘I e, lo‘u papa,‘ou te vala‘au atu ‘iā te oe;‘aua ne‘i e lē tali mai ‘iā te a‘u;‘ina ne‘i e lē tali mai ‘iā te a‘u,‘ona tusa lea o a‘u ma ē a ō ifo i le lua.
2 ‘ia e fa‘afofoga mai i le leo o la‘u ‘ai‘oi atu,pe a ‘ou ‘alaga atu ‘iā te oe,pe a ‘ou sisi‘i atu o‘u limai le mea pa‘ia e fetalai mai ai.
3 ‘Aua ne‘i e tōsina a‘u fa‘atasi ma tagata amio leaga,ma ē ‘ua fai mea leaga;o ē tautala fa‘afifilemū i ē latou te tuā‘oi,‘ae peita‘i o i o latou loto le leaga.
4 ‘ia e avatu ‘iā te i latou e tusa ma a latou amioga,e tusa fo‘i ma le leaga o mea ‘ua latou faia;‘ia e avatu ‘iā te i latou e tusa ma le galuega a o latou lima;‘ia e taui atu ‘iā i latou i mea ‘ua latou faia.
5 Auā latou te lē mafaufau i mea ‘ua faia e le ALI‘I,ma galuega a ona ‘a‘ao;na te lepetia ai i latou, ‘ae lē ati a‘e ‘iā te i latou.
6 ‘Ia fa‘afetaia lava le ALI‘I,auā ‘ua na fa‘afofoga i le leo o a‘u tatalo.
7 O le ALI‘I, o lo‘u malosi ma lo‘u talitā o ia;na fa‘atuatua lo‘u loto ‘iā te ia,‘ona ‘ou maua ai lea o le fesoasoani;o lea e fiafia ai lo‘u loto ma ‘ou vivi‘i atu ‘iā te ia i la‘u pese.
8 O le ALI‘I, o lo latou malosi ia,o ia fo‘i o le malosi e ola ai lē na ia fa‘au‘uina.
9 ‘Ia e fa‘aola i lou nu‘u ma fa‘amanuia lou tofi;‘ia e fafaga ‘iā te i latou,ma ‘ia e fa‘aeaina i latou e o‘o i le fa‘avavau.