15 O leo o le ‘alaga fiafia ma le olataga,o i ai ia i fale ‘ie o ē amiotonu.“‘Ua se toa le ‘a‘ao taumatau o le ALI‘I.
16 ‘Ua maualuga le ‘a‘ao taumatau o le ALI‘I;‘ua se toa le ‘a‘ao taumatau o le ALI‘I.”
17 ‘Ou te lē oti, ‘ou te ola lava,ma ‘ou ta‘uta‘u atu mea na faia e le ALI‘I.
18 Na matuā a‘oa‘i mai le ALI‘I ‘iā te a‘u;a ‘ua na lē tu‘uina a‘u i le oti.
19 To mai ia ‘iā te a‘u o faitoto‘a o le amiotonu;‘ou te ulufale atu i ai, ma ou vivi‘i atu i le ALI‘I.
20 O le faitoto‘a lenei o le ALI‘I,e ulu atu ai ē ‘ua amiotonu.
21 ‘Ou te vivi‘i atu ‘iā te oe; auā na e tali mai ‘iā te a‘u,‘ua ‘avea fo‘i oe mo‘u fa‘aolataga.