14 E tāofia i luga e le ALI‘I ‘atoa uma ē pa‘u‘ū;o ia fo‘i fa‘atusa‘oina o ē ‘ua fa‘ano‘uno‘u uma lava.
15 E fa‘asaga atu ‘iā te oe mata o mea uma lava;‘e te avatua fo‘i a latou mea e ‘ai i ona aso e tatau ai.
16 O lo‘o e fa‘amafola lou ‘a‘ao,ma fa‘amā‘o‘ona le mana‘o o mea ola uma lava.
17 E amiotonu le ALI‘I i ona ala uma;o lo‘o alofa ia i ana mea uma lava na faia.
18 E latalata mai le ALI‘I ‘iā i latou uma o ē vala‘au ‘iā te ia,o i latou uma o ē vala‘au ‘iā te ia ma le fa‘amaoni.
19 E faia e ia le mea e mana‘o i ai o ē matata‘u ‘iā te ia;e fa‘afofoga fo‘i o ia i la latou ‘alaga atu, ma fa‘aolaina i latou.
20 E tausi le ALI‘I i ē alolofa atu ‘iā te ia uma lava;‘ae fano ‘iā te ia o ē amio leaga ‘atoa uma.