4 E fa‘ateleina o latou tigā o ē vave ō atu i se tasi;o a latou taulaga i mea e inu ‘ua faia i le toto ‘ou te lē sasa‘aina,ma o latou igoa ‘ou te lē ta‘ua i o‘u laugutu.
5 O le ALI‘I o lo‘u tofi lava ia ma la‘u ipu;o oe lava e fa‘amauina lo‘u tofi.
6 ‘Ua fuafuaina mo‘u le fanua i mea valevalenoa;e moni, ‘ua ‘iā te a‘u le tofi matagofie.
7 ‘Ou te fa‘amanū atu i le ALI‘I o lē fa‘atonu mai ‘iā te a‘u;o le po fo‘i e a‘oa‘o mai ai ‘iā te a‘u o lo‘u mafaufau.
8 ‘Ou te tu‘u le ALI‘I i o‘u luma e lē aunoa;auā o i lo‘u itū taumatau o ia,e le fa‘agae‘etia ai lava a‘u.
9 O le mea lea e fiafia ai lo‘u loto, ma ‘oli‘oli ai lo‘u mamalu;e mālōlō fo‘i lo‘u tino ma le saogalemū.
10 Auā ‘e te lē tu‘ua a‘u i le tu‘ugamau;‘e te lē tu‘u atu lou tagata pa‘ia ‘ia o‘o i ai le pala.