13 Auā ‘ua ‘ou fa‘alogo i le fa‘aleaga mai e le to‘atele;‘ua si‘osi‘omia a‘u e le mata‘u,‘ona ‘ua latou taupulepule fa‘atasi ‘iā te a‘u,‘ua latou manatu i se togafiti ‘ou te oti ai.
14 ‘Ae peita‘i a‘u nei,‘ou te fa‘alagolago ‘iā te oe le ALI‘I e,‘ou te fa‘apea atu, “O oe lava o lo‘u Atua.”
15 O lo‘o i ou ‘a‘ao o‘u aso;‘ia e lavea‘i mai ‘iā te a‘u a‘i lima o ē ita mai,ma ē ‘ua tuliloa mai ‘iā te a‘u.
16 ‘Ia malamalama mai ou fofoga i lau ‘au‘auna;‘ia e fa‘aola mai ‘iā te a‘u ‘ona o lou alofa.
17 Le ALI‘I e,‘aua ne‘i fa‘amāina lava a‘u,auā ‘ou te vala‘au ‘iā te oe;‘ia fa‘amāina o ē fai amio leaga‘ia fa‘alologo i latou i seoli.
18 ‘Ia fa‘alologo laugutu pepelo o ē tautala fa‘asiasia,ma le fa‘amaualuga ma le ‘ino‘ino i le tagata amiotonu.
19 ‘Ua tele lava lou agalelei,‘ua teua e oe mo ē ‘ua matata‘u ‘iā te oe,‘ua e faia i luma o le fānau a tagatamo ē fa‘atuatua ‘iā te oe.