7 Auā na latou natia fua lo latou ‘upega ‘ia maua ai a‘u i le lua,na latou ‘elia fua lava ‘ia ‘ou oti ai.
8 ‘Ia o‘o ‘iā te ia le malaia ‘ua na lē iloa;‘ia maua lava o ia i lona ‘upega na ia natia;‘ia pa‘ū lava o ia i lea lava malaia.
9 ‘Ona fiafia lea o lo‘u loto i le ALI‘I;e ‘oli‘oli lava i lana fa‘aolataga.
10 E fai atu o‘u ivi uma lava,“Le ALI‘I e,o ai ‘ea sē tusa ma oe,o lē ‘ua lavea‘i le tagata ‘ua puapuagātia,mai ‘iā te ia ‘ua i ai le malosi e sili i lona;e lavea‘iina fo‘i lē ‘ua puapuagātiama le mativa i lē ‘ua faoa ana mea?”
11 ‘Ua tutū mai ‘iā te a‘u o molimau fa‘asauā,‘ua latou su‘esu‘e ‘iā te a‘u i mea ‘ou te le‘i iloa.
12 ‘Ua latou taui mai lo‘u lelei i le leaga,e ausage ai lo‘u agaga.
13 ‘Ae peita‘i o a‘u nei,na ‘ou ‘ofu i ‘ie talatala ‘ina o latou mama‘i,na ‘ou fa‘atigāina a‘u e a‘u i le anapogi;ma ‘ua fo‘i mai la‘u tatalo i lo‘u fatafata.