17 O kariota o le Atua e lua sefulu o afe,e manomānō lava;o lo‘o ‘iā te i latou le Ali‘i,e pei ‘ona i ai Sinai i le mea pa‘ia.
18 Na e afio a‘e i le mea maualuga,na e ta‘ita‘i fa‘atagataotau‘a i le tāfeaga;na e maua mea alofa mo tagata,o ē fouvale lava, ‘ina ‘ia nofo ai le ALI‘I le Atua.
19 ‘Ia fa‘afetaia le Ali‘i, i lea aso ma lea aso;‘ua ‘ia ‘ave o tatou avega,o le Atua o lo tatou olataga ia. Selā.
20 O lo tatou Atua, o le Atua o le olataga lea,o le ATUA o le Ali‘i e ana e fa‘asaoina i le oti.
21 E moni, o le Atua na te foa‘iina ulu o ē ita ‘iā te ia,o le tumua‘i lauulua o lē ‘ua finau i ana agasala.
22 ‘Ua fetalai mai le Ali‘i,“‘Ou te fa‘afoisia mai mai Vasana,‘ou te fa‘afoisia mai mai le loloto o le sami;
23 ‘ina ‘ia feseua‘i lou vae i le toto;‘ia etoeto fo‘i laulaufaiva o āu ulī le totoo ē ita ‘iā te oe ta‘itasi uma lava.”