17 Wele, bydd yr ARGLWYDD yn gafael yn dynn ynotac yn dy hyrddio i lawr, ŵr cryf;
18 bydd yn dy chwyrlïo amgylch ogylch,ac yn dy daflu fel pêl ar faes agored, llydan.Yno y byddi farw, ac yno yr erys dy gerbydau mawreddog,yn warth i dŷ dy feistr.
19 Fe'th yrraf o'th swydd, ac fe'th fwrir o'th safle.’ ”
20 “Yn y dydd hwnnw byddaf yn galw am fy ngwas Eliacim fab Hilceia,
21 ac yn ei wisgo â'th fantell di, ac yn rhwymo dy wregys amdano, ac yn rhoi d'awdurdod di yn ei law. Bydd ef yn dad i drigolion Jerwsalem ac i bobl Jwda.
22 Gosodaf allwedd tŷ Dafydd ar ei ysgwydd; beth bynnag y bydd yn ei agor, ni fydd neb yn gallu ei gau, a beth bynnag y bydd yn ei gau, ni fydd neb yn gallu ei agor.
23 Byddaf yn ei osod yn sicr, fel hoelen yn ei lle; bydd yn orsedd ogoneddus yn nhŷ ei dad.