1 ’n Gedig van Dawid. Bewaar my, o God, want ek soek skuiling by U.
2 Ek het vir יהוה gesê: “U is my God en al my goedheid is van U.”
3 Vir die afgesonderdes wat op die aarde is, sê ek ook: “Hulle is die lofwaardiges in wie al my behae is.”
4 Die smarte van hulle wat U vir ’n ander verruil het, sal vermenigvuldig word; ek sal nie hulle drankoffers van bloed uitgiet of hulle name op my lippe neem nie.
5 יהוה is die Deel van my erfenis en my Beker; U ondersteun my deel.
6 Die maatlyne het vir my in lieflike plekke geval, ja, my erfenis is vir my mooi.
7 Ek sal יהוה, wat my raad gegee het, loof; inderdaad onderrig my verstand my in die nag.Hand 2:24,25
8 Ek stel יהוה voortdurend voor my. Omdat Hy aan my regterhand is, sal ek nie geskud word nie;
9 daarom is my verstand, wil en emosie bly en my lof en eer juig; my vlees sal ook in veiligheid bly,Yog 20:10; Hand 13:35
10 want U sal nie my lewe aan Sh’ol oorgee nie en ook nie U Afgesonderde Een verderwing laat smaak nie.
11 U sal aan my die pad van die lewe bekend maak; in U Teenwoordigheid is daar volheid van vreugde, in U regterhand is daar plesiere vir ewig.