1 Van Dawid, toe hy sy optrede voor Avimelekh verander het en dié hom weggejaag en hy vertrek het. 2 Ek sal altyd voor יהוה neerkniel; Sy lofprysing sal voortdurend in my mond wees.Yir 9:22-24; 1 Kor 1:31 die nederiges sal dit hoor en hulle verheug.
2 My lewe sal homself altyd beroem op יהוה;
3 Maak יהוה saam met my groot en laat ons saam Sy Karakter en Outoriteit (Naam) verhoog!
4 Ek het יהוה gesoek en Hy het my geantwoord en my uit al my vrees bevry.
5 Kyk na Hom en vertrou in Hom en julle sal nooit teleurgesteld wees nie.
6 Hierdie arme man het na Hom geroep en יהוה het hom gehoor en hom gered uit al sy moeilikhede uit.
7 Die engel van יהוה slaan kamp op rondom dié wat Hom respekvol vrees en bevry hulle.1 Kef 2:3 geseënd is die man wat in Hom vertrou!
8 Kyk en sien dat יהוה goed is;
9 Vrees יהוה respekvol, julle Sy afgesonderdes, want vir hom wat Hom vrees, is daar geen gebrek nie.
10 Die jong leeus ly gebrek en het honger, maar dié wat יהוה soek, sal nie gebrek hê aan enige goeie ding nie.
11 Kom, julle seuns, luister na my; ek sal vir julle die respekvolle vrees van יהוה leer.
12 Wie is die man wat lewe begeer en die dae om die goeie te kan sien, liefhet?Ya’a 1:26
13 Weerhou jou tong van boosheid en jou lippe daarvan om bedrog te praat.
14 Gaan weg van die boosheid en doen wat goed is; soek vrede, gesondheid, vreugde, voorspoed en vergenoegdheid en jaag dit na.Mal 3:16; Ya’a 1:25
15 Die oë van יהוה is op die regverdiges en sy ore oop om hulle te hoor.
16 Die gesig van יהוה is teen die boosdoeners, om die herinnering aan hulle van die aarde af uit te roei.
17 Die regverdige roep uit en יהוה hoor en red hulle uit al hul moeilikhede.
18 יהוה is naby dié wat gebroke is van verstand, wil en emosie en Hy verlos dié wat nederig is van gees.
19 Die teisteringe van die regverdige is baie, maar יהוה bevry hom uit almal.Yog 19:36
20 Hy behou al sy bene, nie een daarvan word gebreek nie.
21 Boosheid sal die wetsoortreders doodmaak en dié wat die regverdige haat, sal vernietig word.
22 יהוה koop die lewe van Sy diensknegte los en nie een wat in Hom vertrou sal veroordeel word nie.