1 Van Shlomo. O God, gee aan die koning U oordele en U onpartydige opregtheid aan die seun van die koning
2 sodat hy U volk kan oordeel met onpartydige opregtheid en U armes met regverdige oordeel.
3 Die berge sal vrede bring en die heuwels U onpartydige opregtheid aan U volk.
4 Hy sal die armes van die volk oordeel, die kinders van die behoeftige verlos en die onderdrukker vergruis.
5 Hulle sal U deur al die geslagte heen respekvol vrees solank as die son en maan daar is.
6 Hy sal afkom soos reën op gesnyde gras, soos buie wat die aarde water gee.
7 Gedurende Sy dae sal die regverdige floreer in oorvloed van vrede, solank die maan volhou.
8 Hy sal ook heerskappy hê vanaf see tot see en vanaf die Rivier (Eufraat) tot by die eindes van die aarde.
9 Hulle wat op die eiland bly sal voor hom buig en sy vyande sal stof lek.
10 Die konings van Tarshish en van die eilande sal geskenke bring; die konings van Sh’va en S’va sal geskenke aanbied.
11 Ja, al die konings sal voor hom neerval, al die nasies sal hom dien,
12 want hy sal die behoeftige red van die magtiges; ook die armes wat geen helper het nie.
13 Hy sal die armes en behoeftiges spaar en die lewe van die behoeftiges red.
14 Hy sal hulle lewens loskoop van misleiding en geweld; hulle bloed is kosbaar in sy oë
15 en hy sal lewe, van die goud van Sh’va sal aan hom gegee word, daar sal voortdurend vir hom gebid word en hy sal daagliks geseën word!
16 Hy sal vermenigvuldig soos koring op die aarde, sy saad sal opspring op die bergtoppe, soos op L’vanon en húlle in die stad sal floreer soos die gras van die aarde.
17 Sy naam sal vir ewig wees; sy naam sal voortduur solank as die son daar is en mense sal in hom geseën wees; alle nasies sal hom geseënd noem!Luk 1:68 wat alleen wonderwerke doen
18 Geseënd is יהוה-God, die God van Yisra’el,
19 en geseënd is Sy verhoogde Naam (Karakter en Outoriteit) vir ewig. Laat die hele aarde gevul word met Sy Gemanifesteerde Teenwoordigheid!
20 Dit is tydloos waar.