1 Vir die musiekleier: ’n gedig van die seuns van Korag, met instrumentale musiek. 2 Hoor, luister en doen dit, alle volke. Gee aandag, alle bewoners van die wêreld,
2 seuns van die aarde en seuns van die mens, ryk en arm dieselfde!
3 My mond sal praat van wysheid en die meditasie van my verstand, wil en emosie sal insig wees.
4 Ek sal my oor draai na vergelykende stories. Ek sal my spreuke met die harp openbaar.
5 Ek sal nie vrees in die dae van boosheid, as die morele oortredings van my vyande my omring nie,
6 hulle wat vertrou op hulle eie krag en hulle beroem op die grootheid van hulle rykdom.
7 Sy broer kan ’n man nie loskoop nie en ook kan ’n man nie aan God ’n losprys gee vir homself nie,
8 want die loskoop van hulle lewe is te kosbaar en hou vir ewig
9 sodat hy ewig sou lewe en die vernietiging nie sou sien nie,
10 maar hy sien wyse manne sterf, die dwaas en die onverstandige kom tesame om en laat hulle rykdom aan ander na.
11 Die graf sal hul enigste blyplek wees, hul wonings van geslag tot geslag. Hulle gemerkte grafte sal die enigste herinnering aan hulle wees op aarde.
12 Die mens word nie in stand gehou deur sy eer nie. Sy einde sal wees soos die diere en hy sal vergaan.Rom 1:32
13 Hulle lewenswyse is hulle en dié wat na hulle toe kom, wat hulle woorde goedkeur, se dwaasheid.
14 Soos skape is hulle bestem vir die graf; die dood is hulle herder en die opregtes sal heers oor hulle in die oggend; die graf sal hulle skoonheid verteer en hulle sal geen plek van eer en lof hê nie,
15 maar God sal my lewe loskoop, my oplig vanuit die mag van die graf.
16 Moenie bang wees as iemand ryk gemaak word en die eer en lof van sy huis vergroot word nie,1 Tim 6:7
17 want by sy dood sal hy niks wegdra nie; ook sal sy lof en eer nie agter hom aan afgaan nie,
18 want terwyl hy gelewe het, het hy gemaklik gelewe en jou geprys wanneer jy goed gedoen het.
19 Sy einde sal wees soos die van sy vaders voor hom; hulle sal nooit die Lig sien nie.
20 Die mens van aansien wat nie begrip het nie, is soos die diere wat vergaan.