2 Hoekom beroem jy jou in boosheid, o kragtige krygsman? Die goedheid van God hou aan en aan!
3 Jou tong beraam vernietiging soos ’n skerp skeermes, wat met misleiding werk!
4 Jy het boosheid meer lief as goedheid en leuens meer as om onpartydig opreg te praat.
5 Jy hou van almal wat boos praat en van alle bedrieglike tonge;
6 daarom sal God jou vir ewig afbreek, jou wegskeur uit jou blyplek en jou ontwortel uit die land van die lewendes,
7 dan sal die onpartydige opregtes dit sien en hulle verheug en in יהוה vertrou.
8 Hulle sal sê: “Let op, hierdie is die man wat nie in God vertrou het nie, maar vertrou het in die oorvloed van sy rykdom en geroem het in sy besittings!”