1 Aleluia! Gora Jauna!Goretsazue, Jaunaren zerbitzariok, goretsi Jaunaren izena!
2 Bedeinkatua izan bedi Jaunaren izena orain eta beti!
3 Eguzkiaren sorlekutik sarlekura, goretsia izan bedi Jaunaren izena!
4 Jauna nazio guztien gainean garai,haren ospea zeruak baino gorago.
5 Nor Jauna, gure Jainkoa, bezalakorik?Gorenean du jarria tronua,
6 baina makurtu egiten da, zerutik lurrera begiratzeko.
7 Gizagaixoa hautsetatik altxatzen du,behartsua zaborretatik ateratzen
8 eta handikien artean,bere herriko nagusien artean, jartzen.
9 Emakume agorrari ohore ematen dio etxean,haurrak eman eta ama zoriontsu egiten.Aleluia! Gora Jauna!