1 Koru-zuzendariarentzat. Harizko musika-tresnaz. Salmoa. Kanta.
2 Erruki gutaz, oi Jainko, bedeinka gaitzazu,erakutsi guri aurpegi argia,
3 ezagut dezan munduak zure nagusitza,jentil-herriek zure garaipena.
4 Goraipa zaitzatela herriek, oi Jainko, goraipa zaitzatela herri guztiek!
5 Kanta bezate nazioek pozaren pozez,herriak justiziaz gobernatzen baitituzu,nazioak munduan zuk gidatzen.
6 Goraipa zaitzatela herriek, oi Jainko, goraipa zaitzatela herri guztiek!
7 Eman beza lurrak bere fruitua,bedeinka gaitzala Jainkoak, gure Jainkoak.
8 Bedeinka gaitzala Jainkoak,izan biezaio begirune mundu osoak!