7 Ein tadau ni ddeallasant dy ryfeddodau yn yr Aifft, ni chofiasant luosowgrwydd dy drugareddau; eithr gwrthryfelgar fuont wrth y môr, sef y môr coch.
8 Eto efe a'u hachubodd hwynt er mwyn ei enw, i beri adnabod ei gadernid.
9 Ac a geryddodd y môr coch, fel y sychodd efe: a thywysodd hwynt trwy'r dyfnder, megis trwy'r anialwch.
10 Achubodd hwynt hefyd o law eu digasog; ac a'u gwaredodd o law y gelyn.
11 A'r dyfroedd a doesant eu gwrthwynebwyr; ni adawyd un ohonynt.
12 Yna y credasant ei eiriau ef; canasant ei fawl ef.
13 Yn y fan yr anghofiasant ei weithredoedd ef; ni ddisgwyliasant am ei gyngor ef.