8 Yr hwn a drawodd gyntaf‐anedig yr Aifft, yn ddyn ac yn anifail.
9 Danfonodd arwyddion a rhyfeddodau i'th ganol di, yr Aifft; ar Pharo, ac ar ei holl weision.
10 Yr hwn a drawodd genhedloedd lawer, ac a laddodd frenhinoedd cryfion;
11 Sehon brenin yr Amoriaid, ac Og brenin Basan, a holl freniniaethau Canaan:
12 Ac a roddodd eu tir hwynt yn etifeddiaeth, yn etifeddiaeth i Israel ei bobl.
13 Dy enw, O Arglwydd, a bery yn dragywydd; dy goffadwriaeth, O Arglwydd, o genhedlaeth i genhedlaeth.
14 Canys yr Arglwydd a farna ei bobl, a bydd edifar ganddo o ran ei weision.