1 Yamikani Yehova; pakuti Iye ndiye wabwino;Pakuti cifundo cace ncosatha.
2 Anene tsono Israyeli,Kuti cifundo cace ncosatha.
3 Anene tsono nyumba ya Aroni,Kuti cifundo cace ncosatha.
4 Anene tsono iwo akuopa Yehova,Kuti cifundo cace ncosatha.
5 M'mene ndinasautsika ndinaitanira pa Yehova;Anandiyankha Dandiika motakasuka Yehova.
6 Yehova ndi wanga; sindidzaopa;Adzandicitanji munthu?
7 Yehova ndi wanga, mwa iwo akundithandiza;M'mwemo ndidzaona cofuna ine pa iwo akundida,
8 Kuthawira kwa Yehova nkokomaKoposa kukhulupirira munthu.
9 Kuthawira kwa Yehova nkokomaKoposa kukhulupirira akulu,
10 Amitundu onse adandizinga,Zedi, m'dzina la Yehova ndidzawaduladula.
11 Adandizinga, inde, adandizinga:Indedi, m'dzinala Yehova ndidzawaduladula.
12 Adandizinga ngati njuci;Anazima ngati moto waminga;Indedi, m'dzina la Yehova ndidzawaduladula.
13 Kundikankha anandikankha ndikadagwa;Koma Yehova anandithandiza.
14 Yehova ndiye mphamvu yanga ndi nyimbo yanga;Ndipo anakhala cipulumutso canga.
15 M'mahema a olungama muli liu lakupfuula mokondwera ndi la cipulumutso:
16 Dzanja lamanja la Yehova licita mwamphamvu.
17 Sindidzafa koma ndidzakhala ndi moyo,Ndipo ndidzafotokozera nchito za Yehova.
18 Kulanga anandilangadi Yehova:Koma sanandipereka kuimfa ai.
19 Nditsegulireni zipata za cilungamo;Ndidzalowamo, ndidzayamika Yehova.
20 Cipata ca Yehova ndi ici;Olungama adzalowamo.
21 Ndidzakuyamikani, popeza munandiyankha,Ndipo munakhala cipulumutso canga,
22 Mwala umene omangawo anaukanaWakhala mutu wa pangondya.
23 Ici cidzera kwa Yehova;Ncodabwiza ici pamaso pathu.
24 Tsiku ili ndilo adaliika Yehova;Tidzasekera ndi kukondwera m'mwemo.
25 Tikupemphani, Yehova, tipulumutseni tsopano;Tikupemphani, Yehova, tipindulitseni tsopano.
26 Wodala wakudzayo m'dzina la Yehova;Takudalitsani kocokera m'nyumba ya Yehova.
27 Yehova ndiye Mulungu, amene anatiunikira;Mangani nsembe ndi zingwe, ku nyanga za guwa la nsembe.
28 Inu ndinu Mulungu wanga, ndipo ndidzakuyamikani;Ndinu Mulungu wanga, ndidzakukwezani.
29 Yamikani Yehova, pakuti Iye ndiye wabwino,Pakuti cifundo cace ncosatha.