1 Haleluya;Pakuti kuyimbira zomlemekeza Mulungu wathu nkokoma;Pakuti cikondwetsa ici, cilemekezo ciyenera.
2 Yehova amanga Yerusalemu;Asokolotsa otayika a Israyeli.
3 Aciritsa osweka mtima,Namanga mabala ao.
4 Awerenga nyenyezi momwe ziri;Azicha maina zonsezi.
5 Ambuye wathu ndi wamkuru ndi wa mphamvu zambiri;Nzeru yace njosatha.
6 Yehova agwiriziza ofatsa;Atsitsira oipa pansi.
7 Yamikani Yehova ndi kuthira mang'ombe;Myimbireni Mulungu wathu zamlemekeza pazeze:
8 Amene aphimba thambo ndi mitambo,Amene akonzera mvula nthaka,Amene aphukitsa msipu pamapiri.
9 Amene apatsa zoweta cakudya cao,Ana a khungubwi alikulira.
10 Mphamvu ya kavalo siimkonda:Sakondwera nayo miyendo ya munthu.
11 Yehova akondwera nao akumuopa Iye,Iwo akuyembekeza cifundo cace.
12 Yerusalemu, lemekezani Yehova;Ziyoni, lemekezani Mulungu wanu.
13 Popeza analimbitsa mipiringidzo ya zitseko zanu:Anadalitsa ana anu m'kati mwanu.
14 Ndiyeamene akhalitsamalireanu mumtendere;Akukhutitsani ndi tirigu wakuca bwino.
15 Atumiza lamulo lace ku dziko lapansi;Mau ace athamanga liwiro.
16 Apatsa cipale cofewa ngati ubweya;Awaza cisanu ngati phulusa.
17 Aponya matalala ace ngati zidutsu:Adzaima ndani pa kuzizira kwace?
18 Atumiza mau ace nazisungunula;Aombetsa mphepo yace, ayenda madzi ace.
19 Aonetsa mau ace kwa Yakobo;Malemba ace, ndi maweruzo ace kwa Israyeli.
20 Sanatero nao anthu amtundu wina;Ndipo za maweruzo ace, sanawadziwa.Haleluya.