1 Ndimkonda, popeza Yehova amamva,Mau anga ndi kupemba kwanga.
2 Popeza amandicherera khutu lace,Cifukwa cace ndidzaitanira Iye masiku anga onse.
3 Zingwe za imfa zinandizinga,Ndi zowawa za manda zinandigwira:Ndinapeza nsautso ndi cisoni.
4 Pamenepo ndinaitana dzina la Yehova;Ndikuti, Yehova ndikupemphani landitsani moyo wanga.
5 Yehova ngwa cifundo ndi wolungama;Ndi Mulungu wathu ngwa nsoni.
6 Yehova asunga opusa;Ndidafoka ine, koma anandipulumutsa,
7 Ubwere moyo wanga ku mpumulo wako;Pakuti Yehova anakucitira cokoma.
8 Pakuti munalanditsa moyo wanga kuimfa,Maso anga kumisozi, Mapazi anga, ndingagwe.
9 Ndidzayenda pamaso pa Yehova M'dziko la amoyo.
10 Ndinakhulupirira, cifukwa cace ndinalankhula;Ndinazunzika kwambiri.
11 Pofulumizidwa mtima ndinati ine,Anthu Onse nga mabodza.
12 Ndidzabwezera Yehova cianiCifukwa ca zokoma zace zonse anandicitira?
13 Ndidzanyamula cikho ca cipulumutso,Ndipo ndidzaitanira dzina la Yehova,
14 Ndidzacitazowindazanga za kwa Yehova,Tsopano, pamaso pa anthu ace onse.
15 Imfa ya okondedwa aceNja mtengo wace pamaso pa Yehova.
16 Ndiloleni, Yehova, indetu ndine mtumiki wanu;Ndine mtumiki wanu, mwana wa mdzakazi wanu;Mwandimasulira zondimanga,
17 Ndidzapereka kwa Inu nsembe yaciyamiko,Ndipo ndidzaitanira dzina la Yehova.
18 Ndidzacita zowinda zanga za kwa Yehova,Tsopano, pamaso pa anthu ace onse;
19 M'mabwalo a nyumba ya Yehova,Pakati pa inu, Yerusalemu. Haleluya.