1 Алилуја! Фалете Го Господа, зашто е благ! Зашто е вечна Неговата милост!
2 Кој може да ги искаже Господовите моќни дела? Кој ли ќе Му ги разгласи сите Негови пофалби?
3 Блажени се оние, кои ги држат Неговите наредби и кои прават правда во секое време!
4 Спомни си за мене, Господи, според добрината кон Својот народ, посети ме со Своето спасение,
5 за да ја уживам среќата на Твоите избраници, за да се радувам со радоста на Твојот народ, за да се фалам со Твоето наследство.