1 Давидова песна за воздигање. Ако не беше Господ со нас - нека рече Израел -
2 ако не беше Господ со нас, кога се кренаа луѓето против нас,
3 ќе нè проголтаа живи. Кога пламна нивната јарост против нас,
4 водата ќе нè издавеше, поројот ќе нè одвлечеше,
5 здивените води ќе нè потопеа сите.
6 Благословен да е Господ, Кој не нè даде за плен на нивните заби!
7 Нашата душа избега како птица од примката на ловецот: примката се скина, а ние се избавивме!
8 Нашата помош е во Името на Господа, Кој ги создаде небото и земјата.