6 Извикав кон Господа: „Ти си мој Бог! послушај го, о Господи, викот на моите молитви!
7 Господи, мој Господи, мој силен Спасителе, засолни ми ја главата во денот на бој!”
8 Не оставај да се исполни желбата на злотворот, не оставај тој да ги изврши своите намери, за да не се издигне!
9 Нека не подигнат глава оние што ме опколија, нека падне врз нив злобата на нивните усни!
10 Нека паѓаат врз нив распалени јаглења, нека паднат во јами, за да не станат повеќе!
11 Клеветникот не ќе се одржи на земјата, несреќата ќе го грабне одненадеж насилникот.
12 Знам дека Господ ќе му даде право на бедниот и правда на сиромашниот.