4 Покажи ми ги, Господи, Твоите патишта, научи ме на Твоите патеки!
5 Води ме во Твојата вистина и научи ме, зашто Ти си Бог на моето спасение; на Тебе се надевам секој ден.
6 Спомни си, Господи, за Твојата верност и за Твојата љубов довека.
7 Не спомнувај си за гревовите на мојата младост, за моите престапи; спомни си за мене, о Господи! според Твојата љубов и заради Твојата благост!
8 Господ е благ и праведен: затоа ќе им покаже пат на грешниците.
9 Тој ги води кротките во правда, ги научува кротките на Својот пат.
10 Сите Господови патишта се милост и вистина, за оние кои ги чуваат Неговиот Завет и Неговите сведоштва.