20 Ги засолнуваш под штитот на Своето лице од човечките завери; ги криеш во Својот шатор од зајадливи јазици.
21 Благословен да е Господ, зашто ми ја јави својата чудесна милост, во утврдениот град.
22 Веќе помислував, во својата тревога: „Отфрлен сум од Твојот поглед.” Но Ти го чу гласот на мојата молба, кога Те повикав.
23 Љубете Го Господа сите Негови свети; Господ ги чува Своите верни, а според заслугата им враќа на оние, кои постапуваат гордо.
24 Бидете храбри и Тој ќе ви ги укрепи срцата, сите, кои се надевате на Господа!