19 Нема да се засрамат во време на неволја, ќе бидат сити во дните на глад.
20 А безбожниците ќе пропаднат, Господовите врагови ќе овенат како цвеќе по ливаѓето, ќе се расплинат како дим.
21 Безбожникот заема но не враќа, праведникот се сожалува и дава.
22 Оние кои Господ ќе ги благослови, ќе ја наследат земјата, а кои ќе ги проколне, ќе бидат истребени.
23 Господ ги води и зацврстува чекорите на добриот човек, и мил Му е неговиот пат.
24 И ако се сопне, нема да падне, зашто Господ го држи за рака.
25 Млад бев и остарев, но не видов напуштен праведник или неговите деца да просат леб.