1 Асафов псалм. Бог над боговите, Господ, говори и ја вика земјата од изгрејсонце до зајдисонце.
2 Од прекрасниот Сион Бог заблиста:
3 нашиот Бог доаѓа и не молчи. Пред Него врви оган што проголтува, околу Него беснее силна бура.
4 Тој ги повикува одозгоре небесата и земјата, за да му суди на Својот народ:
5 Соберете ги Моите избраници кои со жртва склучија завет со Мене!
6 Небесата ја објавуваат Неговата праведност: Тој е Бог Судија!
7 „Слушај народе мој, Јас ќе зборувам, о Израеле, ќе сведочам против тебе: Јас, Бог - твојот Бог!