1 За началник на пејачи. Давидов псалм. Песна. Нека се крене Бог! Нека се разбегаат Неговите непријатели, нека избегаат пред Него сите Негови мразители!
2 Како што исчезнува димот, нека ги снема и нив! Како што се топи восокот врз оган, така нека ги снема грешниците пред Божјото лице!
3 Нека се радуваат праведните, нека Му пеат на Бога, нека воскликнуваат од радост.
4 Пејте на Бога, славете го Неговото име! Порамнете го патот на Оној, Кој оди низ пустината, чие име е Господ - и радувајте се пред Него!
5 Татко на сирачињата, бранител на вдовиците, Бог е во Своето свето Живеалиште.