2 Ti sydd wedi dy orseddu ar y cerwbiaid,disgleiria i Effraim, Benjamin a Manasse.Gwna i'th nerth gyffroi,a thyrd i'n gwaredu.
3 Adfer ni, O Dduw;bydded llewyrch dy wyneb arnom, a gwareder ni.
4 O ARGLWYDD Dduw y Lluoedd,am ba hyd y byddi'n ddig wrth weddïau dy bobl?
5 Yr wyt wedi eu bwydo â bara dagrau,a'u diodi â mesur llawn o ddagrau.
6 Gwnaethost ni'n ddirmyg i'n cymdogion,ac y mae ein gelynion yn ein gwawdio.
7 O Dduw'r Lluoedd, adfer ni;bydded llewyrch dy wyneb arnom, a gwareder ni.
8 Daethost â gwinwydden o'r Aifft;gyrraist allan genhedloedd er mwyn ei phlannu;