1 خُداوند میری چٹان مُبارک ہوجو میرے ہاتھوں کو جنگ کرنااور میری اُنگلیوں کو لڑنا سِکھاتا ہے۔
2 وہ مُجھ پر شفقت کرنے والا اور میرا قلعہ ہے۔میرا اُونچا بُرج اور میرا چُھڑانے والا ۔وہ میری سِپر اور میری پناہ گاہ ہےجو میرے لوگوں کو میرے تابِع کرتا ہے۔
3 اَے خُداوند! اِنسان کیا ہے کہ تُو اُسے یاد رکھّے؟اور آدم زاد کیا ہے کہ تُو اُس کا خیال کرے ؟
4 اِنسان بُطلان کی مانِند ہے۔اُس کے دِن ڈھلتے سایہ کی مانِند ہیں۔
5 اَے خُداوند! آسمانوں کو جُھکا کر اُتر آ۔پہاڑوں کو چُھو تو اُن سے دُھواں اُٹھے گا۔
6 بِجلی گِرا کر اُن کو پراگندہ کر دے۔اپنے تِیر چلا کر اُن کو شِکست دے۔