37 ទូលបង្គំនឹងដេញតាមពួកខ្មាំងសត្រូវឲ្យទាន់ក៏មិនងាកបែរមកវិញ ដរាបដល់គេវិនាសបង់អស់រលីង
38 ទូលបង្គំនឹងចាក់ទំលុះគេ ឲ្យគេក្រោកឡើងវិញមិនរួចគេនឹងដួលនៅក្រោមជើងទូលបង្គំ
39 ដ្បិតទ្រង់បានក្រវាត់ទូលបង្គំ ដោយកំឡាំងសំរាប់ធ្វើចំបាំងទ្រង់បានបង្ក្រាបពួកអ្នកដែលលើកគ្នាទាស់នឹងទូលបង្គំឲ្យគេនៅក្រោមទូលបង្គំវិញ
40 ទ្រង់បានធ្វើឲ្យពួកខ្មាំងសត្រូវបែរខ្នងនៅមុខទូលបង្គំដើម្បីឲ្យទូលបង្គំបានប្រហារអស់អ្នកដែលស្អប់ទូលបង្គំ
41 គេបានស្រែកឡើង តែគ្មានអ្នកណាជួយសោះក៏អំពាវនាវដល់ព្រះយេហូវ៉ាតែទ្រង់មិនឆ្លើយមកឡើយ
42 ទូលបង្គំបានវាយគេកំទេចឲ្យល្អិតដូចផង់ធូលីដែលផាត់ដោយខ្យល់ទូលបង្គំបានបោះគេចោលចេញដូចជាភក់ពីផ្លូវ
43 ទ្រង់បានជួយទូលបង្គំ ឲ្យរួចពីសេចក្ដីទាស់ទែងនៃប្រជាជនទ្រង់បានតាំងទូលបង្គំឡើង ជាកំពូលលើអស់ទាំងនគរសាសន៍១ដែលទូលបង្គំមិនទាន់ស្គាល់នឹងមកគោរពប្រតិបត្តិដល់ទូលបង្គំ