10 ដោយព្រោះសេចក្ដីថ្នាំងថ្នាក់និងសេចក្ដីក្រោធរបស់ទ្រង់ដ្បិតទ្រង់បានលើកទូលបង្គំឡើង ហើយបោះចោលវិញ
11 អស់ទាំងថ្ងៃអាយុនៃទូលបង្គំដូចជាស្រមោលដែលជ្រេទៅហើយទូលបង្គំក្រៀមទៅដូចជាស្មៅ។
12 ៙ ប៉ុន្តែ ឱព្រះយេហូវ៉ាអើយ ទ្រង់នឹងគង់សោយរាជ្យនៅអស់កល្បជានិច្ចហើយនឹងមានសេចក្ដីនឹកចាំពីទ្រង់នៅអស់ទាំងដំណមនុស្សតទៅ
13 ទ្រង់នឹងក្រោកឡើង ហើយមានសេចក្ដីមេត្តាករុណាដល់ក្រុងស៊ីយ៉ូនដ្បិតដល់វេលាហើយ ដែលគួរប្រោសមេត្តាដល់ទីក្រុងអើ ពេលកំណត់បានមកដល់ហើយ
14 ពីព្រោះពួកអ្នកបំរើទ្រង់គេអាល័យដល់អស់ទាំងថ្មហើយក៏ស្តាយស្រណោះដល់ធូលីដីនៃទីក្រុង
15 យ៉ាងនោះ ពួកសាសន៍ដទៃនឹងកោតខ្លាចដល់ព្រះនាមព្រះយេហូវ៉ាហើយអស់ទាំងស្តេចនៅផែនដីនឹងក្រែងខ្លាចដល់សិរីល្អនៃទ្រង់
16 ដ្បិតព្រះយេហូវ៉ាទ្រង់នឹងសង់ក្រុងស៊ីយ៉ូនឡើងវិញហើយនឹងលេចមកក្នុងសិរីល្អនៃទ្រង់