19 ទ្រង់បានដំរូវព្រះចន្ទ ទុកសំរាប់ជាទីកំណត់រដូវចំណែកព្រះអាទិត្យ ក៏ដឹងពេលដែលត្រូវលិចដែរ
20 ទ្រង់ធ្វើឲ្យងងឹត នោះគឺជាយប់ហើយជាពេលដែលគ្រប់ទាំងសត្វនៅព្រៃរមែងចេញមក
21 អស់ទាំងសិង្ហស្ទាវគ្រហឹមរកចាប់រំពាក៏សូមអាហារពីព្រះមក
22 លុះថ្ងៃរះឡើងកាលណា វាក៏បាត់ទៅចូលទៅដេកក្នុងរូងវាវិញ
23 ឯមនុស្សគេចេញមកឯកិច្ចធុរៈរបស់ខ្លួនហើយក៏ធ្វើការដរាបដល់ល្ងាច
24 ឱព្រះយេហូវ៉ាអើយ អស់ទាំងស្នាដៃរបស់ទ្រង់មានច្រើនប្រការណាស់ហ្ន៎ទ្រង់បានធ្វើទាំងអស់ដោយប្រាជ្ញាផែនដីបានពេញដោយរបស់ដែលទ្រង់បង្កើត
25 នុ៎ះន៍ សមុទ្រដ៏ធំ ហើយទូលាយនៅក្នុងទឹកនោះមានរបស់រវើកឥតគណនាជាសត្វទាំងតូចទាំងធំ