19 ព្រះបន្ទូលនៃព្រះយេហូវ៉ាបានល្បងលគាត់ដរាបដល់កំណត់ដែលពាក្យគាត់បានសំរេច
20 ទើបស្តេចបានចាត់គេទៅដោះលែងគាត់ចេញគឺជាអ្នកដែលគ្រប់គ្រងលើសាសន៍ផ្សេងៗបានស្រាយគាត់ឲ្យរួច
21 ក៏បានតាំងគាត់ឡើង ឲ្យធ្វើជាម្ចាស់លើដំណាក់ហើយជាអ្នកគ្រប់គ្រងលើព្រះរាជទ្រព្យទាំងអស់
22 ឲ្យមានអំណាចនឹងចាប់ចងពួកវង្សនៃស្តេចតាមចិត្តបានហើយនឹងបង្ហាត់បង្រៀនឲ្យពួកចាស់ទុំនៃស្តេចមានប្រាជ្ញា
23 ឯអ៊ីស្រាអែលក៏ចូលមកក្នុងស្រុកអេស៊ីព្ទដែរគឺយ៉ាកុបបានស្នាក់នៅក្នុងស្រុករបស់ហាំ
24 ព្រះទ្រង់ក៏ចំរើនរាស្ត្រទ្រង់ឲ្យច្រើនឡើងក្រៃលែងព្រមទាំងឲ្យមានកំឡាំងលើសជាងពួកដែលតតាំងនឹងគេផង
25 ទ្រង់បានបំផ្លាស់បំប្រែចិត្តសាសន៍នោះឲ្យស្អប់ដល់រាស្ត្រទ្រង់វិញឲ្យគេបានប្រព្រឹត្តដោយកិច្ចកលចំពោះពួកបំរើទ្រង់