32 ទ្រង់ប្រទានឲ្យគេមានព្រិលជំនួសភ្លៀងហើយភ្លើងក៏ឆេះនៅក្នុងស្រុកគេ
33 ទ្រង់បានវាយអស់ទាំងដើមទំពាំងបាយជូរនិងដើមល្វារបស់គេក៏បំបាក់អស់ទាំងដើមឈើនៅព្រំទីរបស់គេ
34 ទ្រង់មានព្រះបន្ទូល នោះក៏មានកណ្តូបមកព្រមទាំងចង្រិតឥតគណនា
35 សត្វទាំងនោះបានស៊ីអស់ទាំងដំណាំក្នុងស្រុកក៏ស៊ីទាំងផលកើតពីដីរបស់គេដែរ
36 ទ្រង់បានប្រហារអស់ទាំងកូនច្បងនៅក្នុងស្រុកគេគឺជាដើមកំឡាំងរបស់គេទាំងប៉ុន្មាន
37 ទ្រង់បាននាំរាស្ត្រទ្រង់ចេញមកមានជាប់ទាំងប្រាក់នឹងមាសផងឯក្នុងអស់ទាំងពូជអំបូរនោះ គ្មានអ្នកណាមួយគ្រាកចិត្តឡើយ
38 កាលគេបានចេញទៅផុតហើយ នោះពួកសាសន៍អេស៊ីព្ទក៏អរសប្បាយដ្បិតមានសេចក្ដីស្ញែងខ្លាចចំពោះពួកអ៊ីស្រាអែលជាខ្លាំង