37 ទ្រង់បាននាំរាស្ត្រទ្រង់ចេញមកមានជាប់ទាំងប្រាក់នឹងមាសផងឯក្នុងអស់ទាំងពូជអំបូរនោះ គ្មានអ្នកណាមួយគ្រាកចិត្តឡើយ
38 កាលគេបានចេញទៅផុតហើយ នោះពួកសាសន៍អេស៊ីព្ទក៏អរសប្បាយដ្បិតមានសេចក្ដីស្ញែងខ្លាចចំពោះពួកអ៊ីស្រាអែលជាខ្លាំង
39 ទ្រង់បានលាតពពក សំរាប់គ្របបាំងគេព្រមទាំងភ្លើង សំរាប់បំភ្លឺនៅពេលយប់
40 គេទូលសូម នោះទ្រង់ក៏នាំហ្វូងក្រួចមកហើយបានចំអែតគេ ដោយអាហារនៃស្ថានសួគ៌
41 ទ្រង់បំប្រេះថ្មដា នោះមានទឹកផុលចេញមកហូរសាយតាមកន្លែងហួតហែងដូចជាទន្លេ
42 ដ្បិតទ្រង់បាននឹកចាំពីព្រះបន្ទូលដ៏បរិសុទ្ធរបស់ទ្រង់ហើយពីអ័ប្រាហាំ ជាអ្នកបំរើទ្រង់ដែរ
43 ទ្រង់បាននាំរាស្ត្រទ្រង់ចេញមក ដោយសេចក្ដីរីករាយគឺជាពួកអ្នករើសតាំងរបស់ទ្រង់ ដោយច្រៀងបណ្តើរ