23 ៙ ឯពួកអ្នកដែលចុះនាវាដើរផ្លូវសមុទ្រជាអ្នកដែលរកស៊ីទទួលការតាមផ្លូវទឹកធំ
24 ពួកនោះគេឃើញអស់ទាំងការនៃព្រះយេហូវ៉ានិងការអស្ចារ្យរបស់ទ្រង់នៅទីជំរៅ
25 ដ្បិតទ្រង់បង្គាប់ទៅ នោះក៏កើតមានខ្យល់ព្យុះដែលបណ្តាលឲ្យរលកកំរើកឡើង
26 រលកទាំងនោះផាត់ឡើងដល់ផ្ទៃមេឃក៏ធ្លាក់ទៅវិញដល់ទីជំរៅនោះព្រលឹងគេក៏រលាយទៅ ដោយសេចក្ដីអន្តរាយ
27 គេឃ្លេងឃ្លោងចុះឡើង ហើយដើរទទ្រេតទទ្រោតដូចជាមនុស្សស្រវឹង គេក៏ទាល់ប្រាជ្ញាទៅ
28 គ្រានោះ គេអំពាវនាវដល់ព្រះយេហូវ៉ាដោយសេចក្ដីវេទនារបស់គេហើយទ្រង់ក៏ប្រោសឲ្យរួចពីសេចក្ដីលំបាកនោះ
29 ទ្រង់ធ្វើឲ្យព្យុះសង្ឃរាបានស្ងាត់ឈឹងទៅវិញហើយឲ្យរលកស្ងប់ស្ងៀមដែរ