31 ឱសូមឲ្យមនុស្សទាំងឡាយសរសើរដល់ព្រះយេហូវ៉ាដោយព្រោះសេចក្ដីសប្បុរសរបស់ទ្រង់ហើយដោយព្រោះអស់ទាំងការអស្ចារ្យដែលទ្រង់ប្រោសដល់មនុស្សជាតិ
32 គួរឲ្យគេលើកដំកើងទ្រង់នៅក្នុងជំនុំនៃជនទាំងឡាយហើយសរសើរទ្រង់នៅទីអង្គុយរបស់ពួកចាស់ទុំដែរ។
33 ៙ ទ្រង់ធ្វើឲ្យទន្លេត្រឡប់ទៅជាទីហួតហែងហើយឲ្យក្បាលទឹកប្រែទៅជាដីខ្សោះទៅវិញ
34 ក៏ឲ្យស្រុកដុះដាលទៅជាមានដីប្រៃដោយព្រោះអំពើអាក្រក់របស់ពួកអ្នកដែលនៅស្រុកនោះ
35 ទ្រង់ក៏បំផ្លាស់ទីហួតហែងឲ្យទៅជាត្រពាំងហើយដីស្ងួតធេង ឲ្យមានក្បាលទឹកវិញ
36 ទ្រង់តាំងមនុស្សអត់ឃ្លានឲ្យនៅទីនោះដើម្បីឲ្យគេបានសង់ទីក្រុងសំរាប់អាស្រ័យនៅ
37 ព្រមទាំងធ្វើស្រែ ហើយធ្វើចំការទំពាំងបាយជូរឲ្យបានមានផលចំរើនឡើង