8 ឱសូមឲ្យមនុស្សទាំងឡាយសរសើរដល់ព្រះយេហូវ៉ាដោយព្រោះសេចក្ដីសប្បុរសរបស់ទ្រង់ហើយដោយព្រោះអស់ទាំងការអស្ចារ្យដែលទ្រង់បានប្រោសដល់មនុស្សជាតិ
9 ដ្បិតទ្រង់ប្រោសព្រលឹងដែលសង្វាត ឲ្យបានស្កប់ស្កល់ហើយទ្រង់ចំអែតព្រលឹងដែលស្រេកឃ្លានដោយសេចក្ដីល្អ។
10 ៙ ឯអស់អ្នកដែលអង្គុយនៅទីងងឹតហើយក្នុងម្លប់នៃសេចក្ដីស្លាប់ជាពួកអ្នកដែលជាប់មានសេចក្ដីវេទនាហើយនឹងចំណងច្រវាក់
11 ដោយព្រោះគេបានបះបោរនឹងព្រះបន្ទូលនៃព្រះហើយបានមើលងាយដល់សេចក្ដីដំបូន្មានរបស់ព្រះដ៏ខ្ពស់បំផុត
12 បានជាទ្រង់បន្ទាបចិត្តគេដោយការនឿយហត់គេបានដួលចុះ ឥតមានអ្នកណាជួយឡើយ
13 គ្រានោះ គេបានអំពាវនាវដល់ព្រះយេហូវ៉ាដោយសេចក្ដីវេទនារបស់គេហើយទ្រង់ក៏ប្រោសឲ្យរួចពីសេចក្ដីលំបាកនោះ
14 ទ្រង់បាននាំគេចេញពីទីងងឹត និងម្លប់នៃសេចក្ដីស្លាប់ព្រមទាំងបណ្តាច់ចំណងគេផង