1 ខ្ញុំយកព្រះយេហូវ៉ាជាទីពឹងជ្រកធ្វើដូចម្តេចឲ្យអ្នកបាននិយាយនឹងខ្ញុំថាចូររត់ទៅឯភ្នំរបស់ឯង ដូចជាសត្វហើរចុះ
2 ដ្បិតមើល ពួកមនុស្សអាក្រក់គេយឹតធ្នូគេដំឡើងព្រួញនៅជាប់នឹងខ្សែដើម្បីបាញ់ពីទីងងឹត ចំអស់អ្នកដែលមានចិត្តទៀងត្រង់
3 បើសិនជាគោលប្រធានត្រូវបំផ្លាញនោះតើមនុស្សសុចរិតនឹងអាចធ្វើអ្វីបាន
4 ព្រះយេហូវ៉ាទ្រង់គង់ក្នុងព្រះវិហារបរិសុទ្ធរបស់ទ្រង់ឯបល្ល័ង្កនៃព្រះយេហូវ៉ា នោះនៅលើស្ថានសួគ៌ព្រះនេត្រទ្រង់ទតមើល ត្របកព្រះនេត្រទ្រង់ពិចារណាមើលមនុស្សជាតិទាំងឡាយ
5 ព្រះយេហូវ៉ាទ្រង់ល្បងលមនុស្សសុចរិតតែទ្រង់មានព្រះហឫទ័យស្អប់ដល់មនុស្សអាក្រក់និងពួកអ្នកដែលចូលចិត្តខាងសេចក្ដីច្រឡោតវិញ
6 ទ្រង់នឹងបង្អុរឲ្យភ្លៀងជាអន្ទាក់មកលើមនុស្សអាក្រក់គឺជាភ្លើងឆេះ និងស្ពាន់ធ័រ ហើយខ្យល់ក្តៅក្រហាយនោះនឹងបានជាចំណែកក្នុងពែងរបស់គេ