68 ទ្រង់ល្អប្រសើរ ហើយក៏ធ្វើការល្អដែរសូមបង្រៀនបញ្ញត្តទ្រង់ ដល់ទូលបង្គំ
69 ពួកមនុស្សឆ្មើងឆ្មៃបានបង្កើតសេចក្ដីភូតភរទាស់នឹងទូលបង្គំតែទូលបង្គំនឹងរក្សាទុកនូវបញ្ញត្តទ្រង់យ៉ាងអស់ពីចិត្ត
70 ចិត្តគេស្ពឹកដូចជាមនុស្សមានខ្លាញ់ខន់តែទូលបង្គំមានចិត្តអំណរចំពោះក្រឹត្យវិន័យទ្រង់វិញ
71 ការដែលទូលបង្គំកើតមានទុក្ខព្រួយនោះគឺជាប្រយោជន៍ដល់ទូលបង្គំហើយដើម្បីឲ្យទូលបង្គំបានរៀនយកបញ្ញត្តរបស់ទ្រង់
72 ក្រឹត្យវិន័យដែលចេញពីព្រះឱស្ឋទ្រង់មកនោះវិសេសដល់ទូលបង្គំ ជាជាងមាសប្រាក់ទាំងពាន់ផង។
73 ៙ ព្រះហស្តនៃទ្រង់បានបង្កើត ហើយតាំងទូលបង្គំឡើងសូមប្រោសឲ្យទូលបង្គំមានយោបល់ដើម្បីនឹងរៀនឲ្យបានស្គាល់សេចក្ដីបង្គាប់របស់ទ្រង់
74 ពួកអ្នកដែលកោតខ្លាចដល់ទ្រង់ គេនឹងឃើញទូលបង្គំហើយមានសេចក្ដីអំណរ ដោយព្រោះទូលបង្គំបានសង្ឃឹមដល់ព្រះបន្ទូលនៃទ្រង់