1 ចូរសរសើរដល់ព្រះយេហូវ៉ាចូរសរសើរដល់ព្រះនាមព្រះយេហូវ៉ាឱពួកអ្នកបំរើរបស់ព្រះយេហូវ៉ាអើយ ចូរសរសើរទ្រង់ចុះ
2 ពួកអ្នករាល់គ្នាដែលឈរនៅក្នុងដំណាក់នៃព្រះយេហូវ៉ាគឺក្នុងទីព្រះលាននៃដំណាក់របស់ព្រះនៃយើងខ្ញុំអើយ
3 ចូរសរសើរដល់ព្រះយេហូវ៉ាដ្បិតព្រះយេហូវ៉ាទ្រង់ល្អចូរច្រៀងសរសើរដល់ព្រះនាមទ្រង់ ដ្បិតនោះពីរោះហើយ
4 ព្រោះព្រះយេហូវ៉ាបានរើសយ៉ាកុប ទុកសំរាប់ទ្រង់គឺអ៊ីស្រាអែល ឲ្យបានដាច់ជារបស់ផងទ្រង់
5 ពីព្រោះខ្ញុំដឹងថា ព្រះយេហូវ៉ាទ្រង់ធំហើយថា ព្រះអម្ចាស់នៃយើងខ្ញុំទ្រង់ខ្ពស់លើសជាងអស់ទាំងព្រះ
6 ការអ្វីក៏ដោយ ដែលព្រះយេហូវ៉ាសព្វព្រះហឫទ័យចង់ធ្វើនោះក៏បានធ្វើទៅ ទាំងនៅលើមេឃ នៅផែនដីនៅក្នុងសមុទ្រហើយនៅទីជំរៅទាំងប៉ុន្មានផង
7 ទ្រង់បណ្តាលឲ្យចំហាយទឹកឡើងពីចុងផែនដីមកទ្រង់ធ្វើឲ្យមានផ្លេកបន្ទោរសំរាប់ភ្លៀងក៏បញ្ចេញខ្យល់ពីឃ្លាំងទ្រង់មកដែរ