33 ទ្រង់ធ្វើឲ្យជើងទូលបង្គំបានដូចជាជើងក្តាន់ក៏ដាក់ទូលបង្គំឲ្យឈរ នៅកន្លែងខ្ពស់របស់ទូលបង្គំ
34 ទ្រង់បង្ហាត់ដៃទូលបង្គំឲ្យស្ទាត់ច្បាំងឲ្យដៃទូលបង្គំអាចដំឡើងធ្នូលង្ហិនបាន។
35 ៙ ទ្រង់បានប្រទានខែល ជាសេចក្ដីសង្គ្រោះរបស់ទ្រង់មកទូលបង្គំព្រះហស្តស្តាំទ្រង់បានទប់ទល់ទូលបង្គំហើយសេចក្ដីស្រទន់របស់ទ្រង់ក៏ធ្វើឲ្យទូលបង្គំបានជាធំ
36 ទ្រង់បានធ្វើឲ្យជំហានទូលបង្គំបានទូលាយចេញទៅហើយជើងទូលបង្គំមិនបានរឥលភ្លាត់ឡើយ
37 ទូលបង្គំនឹងដេញតាមពួកខ្មាំងសត្រូវឲ្យទាន់ក៏មិនងាកបែរមកវិញ ដរាបដល់គេវិនាសបង់អស់រលីង
38 ទូលបង្គំនឹងចាក់ទំលុះគេ ឲ្យគេក្រោកឡើងវិញមិនរួចគេនឹងដួលនៅក្រោមជើងទូលបង្គំ
39 ដ្បិតទ្រង់បានក្រវាត់ទូលបង្គំ ដោយកំឡាំងសំរាប់ធ្វើចំបាំងទ្រង់បានបង្ក្រាបពួកអ្នកដែលលើកគ្នាទាស់នឹងទូលបង្គំឲ្យគេនៅក្រោមទូលបង្គំវិញ