14 ទូលបង្គំត្រូវច្រួចចេញ ដូចជាទឹកហើយអស់ទាំងឆ្អឹងនៃទូលបង្គំសណ្តកចេញពីគ្នាចិត្តទូលបង្គំទុកដូចជាក្រមួនដែលរលាយនៅក្នុងខ្លួនហើយ
15 កំឡាំងទូលបង្គំហួតខ្សោះទៅ ដូចអំបែងឆ្នាំងអណ្តាតទូលបង្គំជាប់នៅក្រអូមមាត់ទ្រង់បាននាំទូលបង្គំចុះទៅក្នុងធូលីនៃសេចក្ដីស្លាប់
16 ព្រោះមានឆ្កែមកឡោមព័ទ្ធទូលបង្គំហើយមានពួកមនុស្សអាក្រក់ដើរក្រវែលជុំវិញទូលបង្គំគេបានចាក់ទំលុះដៃជើងនៃទូលបង្គំ
17 អស់ទាំងឆ្អឹងក្នុងរាងកាយនៃទូលបង្គំរាប់បានទាំងអស់គេគន់មើល ហើយសំឡឹងមកទូលបង្គំ
18 គេយកសំលៀកបំពាក់ទូលបង្គំចែកគ្នាឯអាវវែងរបស់ទូលបង្គំ គេក៏ធ្វើឆ្នោតចាប់យក
19 ឱព្រះយេហូវ៉ាអើយ សូមកុំគង់ឆ្ងាយពីទូលបង្គំឡើយឱព្រះដ៏ជាកំឡាំងនៃទូលបង្គំអើយសូមយាងមកជួយទូលបង្គំជាប្រញាប់ផង
20 សូមដោះព្រលឹងទូលបង្គំឲ្យរួចពីដាវហើយដួងជីវិតនៃទូលបង្គំឲ្យរួចពីអំណាចឆ្កែ