10 អស់ទាំងឆ្អឹងនៃទូលបង្គំនឹងពោលថាឱព្រះយេហូវ៉ាអើយ តើមានអ្នកណាដូចទ្រង់ដែលទ្រង់ជួយមនុស្សក្រីក្រឲ្យរួចពីអ្នកដែលខ្លាំងជាងខ្លួនអើ ទាំងពួកក្រីក្រ និងមនុស្សកំសត់ឲ្យរួចពីអ្នករឹបជាន់ខ្លួន
11 មានសាក្សីកោងលើកគ្នាឡើងគេចោទសួរពីរឿងដែលទូលបង្គំមិនដឹង
12 គេប្រព្រឹត្តការអាក្រក់ដល់ទូលបង្គំ ស្នងនឹងការល្អដើម្បីឲ្យព្រលឹងទូលបង្គំត្រូវនៅតែឯង
13 តែឯទូលបង្គំ កាលគេបានឈឺ នោះទូលបង្គំបានស្លៀកពាក់សំពត់ធ្មៃទូលបង្គំបានសំដែងសេចក្ដីទុក្ខ ដោយតមអត់អាហារហើយសេចក្ដីអធិស្ឋានរបស់ទូលបង្គំបានត្រឡប់ចូលមកក្នុងទ្រូងខ្លួនវិញ
14 ទូលបង្គំបានប្រព្រឹត្ត បែបដូចជាអ្នកនោះជាសំឡាញ់ឬជាបងប្អូនទូលបង្គំបានឱនខ្លួនដោយសេចក្ដីសោកដូចជាអ្នកដែលកាន់ទុក្ខចំពោះម្តាយ
15 តែក្នុងគ្រាដែលទូលបង្គំកើតមានសេចក្ដីទំនាស់ចិត្តនោះគេបានអរសប្បាយវិញ ព្រមទាំងប្រជុំគ្នាផងមនុស្សចង្រៃនោះ គេប្រជុំគ្នាទាស់នឹងទូលបង្គំតែទូលបង្គំមិនបានដឹងខ្លួនសោះ គេបានហែកទូលបង្គំឥតឈប់ឈរ
16 គេបានសំញែងធ្មេញដាក់ទូលបង្គំដូចជាពួកអ្នកមានពុត ដែលប្រមាថក្នុងពេលលៀងលោមគ្នា