21 អើ គេហាមាត់ធំទាស់នឹងទូលបង្គំ ដោយថាន៏ ន៏ ភ្នែកយើងបានឃើញច្បាស់ហើយ
22 ឱព្រះយេហូវ៉ាអើយ ទ្រង់បានឃើញដែរសូមកុំនៅស្ងៀមឡើយឱព្រះអម្ចាស់អើយ សូមទ្រង់កុំគង់ឆ្ងាយពីទូលបង្គំឲ្យសោះ
23 សូមទ្រង់រឭកឡើង ហើយតើនមកវិនិច្ឆ័យទូលបង្គំដោយយុត្តិធម៌ឱព្រះដ៏ជាព្រះអម្ចាស់នៃទូលបង្គំអើយសូមវិនិច្ឆ័យរឿងក្តីនៃទូលបង្គំផង
24 ឱព្រះយេហូវ៉ាដ៏ជាព្រះនៃទូលបង្គំអើយសូមវិនិច្ឆ័យទូលបង្គំតាមសេចក្ដីសុចរិតរបស់ទ្រង់សូមកុំឲ្យគេមានសេចក្ដីអំណរដោយឈ្នះទូលបង្គំឡើយ
25 កុំឲ្យគេគិតក្នុងចិត្តថា ន៍ សមដូចយើងប្រាថ្នាហើយកុំឲ្យគេថា យើងបានលេបវាបាត់ហើយ
26 ឯអស់អ្នកដែលអរសប្បាយដោយសេចក្ដីអន្តរាយរបស់ទូលបង្គំនោះសូមឲ្យគេទៅជាមានសេចក្ដីខ្មាស ហើយជ្រប់មុខចុះឯអស់អ្នកដែលលើកគ្នាទាស់នឹងទូលបង្គំនោះសូមឲ្យគេហ៊ុមហ ដោយសេចក្ដីខ្មាសនិងអាប់យសទៅ
27 តែអស់អ្នកដែលកាន់ខាងសេចក្ដីសុចរិតរបស់ទូលបង្គំសូមឲ្យគេបានស្រែកហ៊ោឡើងដោយអំណរហើយសប្បាយវិញអើ សូមឲ្យគេបានពោលជានិច្ចថា សូមឲ្យព្រះយេហូវ៉ាបានថ្កើងរុងរឿងឡើង ដែលទ្រង់សព្វព្រះហឫទ័យចំពោះសេចក្ដីចំរើននៃអ្នកបំរើទ្រង់