25 កុំឲ្យគេគិតក្នុងចិត្តថា ន៍ សមដូចយើងប្រាថ្នាហើយកុំឲ្យគេថា យើងបានលេបវាបាត់ហើយ
26 ឯអស់អ្នកដែលអរសប្បាយដោយសេចក្ដីអន្តរាយរបស់ទូលបង្គំនោះសូមឲ្យគេទៅជាមានសេចក្ដីខ្មាស ហើយជ្រប់មុខចុះឯអស់អ្នកដែលលើកគ្នាទាស់នឹងទូលបង្គំនោះសូមឲ្យគេហ៊ុមហ ដោយសេចក្ដីខ្មាសនិងអាប់យសទៅ
27 តែអស់អ្នកដែលកាន់ខាងសេចក្ដីសុចរិតរបស់ទូលបង្គំសូមឲ្យគេបានស្រែកហ៊ោឡើងដោយអំណរហើយសប្បាយវិញអើ សូមឲ្យគេបានពោលជានិច្ចថា សូមឲ្យព្រះយេហូវ៉ាបានថ្កើងរុងរឿងឡើង ដែលទ្រង់សព្វព្រះហឫទ័យចំពោះសេចក្ដីចំរើននៃអ្នកបំរើទ្រង់
28 យ៉ាងនោះ អណ្តាតទូលបង្គំនឹងថ្លែងប្រាប់ពីសេចក្ដីសុចរិតរបស់ទ្រង់ហើយពីសេចក្ដីសរសើរនៃទ្រង់ជាដរាបរាល់ថ្ងៃ។