1 ការរំលងច្បាប់របស់មនុស្សអាក្រក់នោះសំដែងក្នុងចិត្តខ្ញុំថានៅភ្នែកគេគ្មានសេចក្ដីកោតខ្លាចដល់ព្រះទេ
2 ដ្បិតនៅភ្នែកគេក៏មើលខ្លួនជាគួរបញ្ចើចបញ្ចើវិញដោយថា សេចក្ដីទុច្ចរិតរបស់ខ្លួន មិនដែលមានអ្នកណាឃើញ ឬស្អប់ឡើយ
3 អស់ទាំងពាក្យដែលចេញពីមាត់គេ សុទ្ធតែជាសេចក្ដីទុច្ចរិត ហើយភូតភរទទេគេបានលែងមានប្រាជ្ញា ក៏មិនប្រព្រឹត្តល្អដែរ
4 គេដេកគិតបង្កើតការទុច្ចរិតនៅលើដំណេកខ្លួនក៏តាំងខ្លួនដើរតាមផ្លូវដែលមិនល្អគេមិនចេះខ្ពើមការអាក្រក់ឡើយ។
5 ៙ ឱព្រះយេហូវ៉ាអើយ សេចក្ដីសប្បុរសនៃទ្រង់ខ្ពស់ដល់ផ្ទៃមេឃសេចក្ដីស្មោះត្រង់នៃទ្រង់ក៏ដល់ពពកផង
6 សេចក្ដីសុចរិតរបស់ទ្រង់ដូចជាភ្នំនៃព្រះសេចក្ដីវិនិច្ឆ័យរបស់ទ្រង់ដូចមហាសមុទ្រដ៏ជ្រៅឱព្រះយេហូវ៉ាអើយ ទ្រង់ទំនុកបំរុងទាំងមនុស្សនិងសត្វផង